ក្លិបអ្នកកាសែត និងអង្គការខាត់ណា បានរៀបចំកម្មវិធី «វេទិកាពិភាក្សាតុមូល ស្តីពីលេីកកម្ពស់ការយល់ដឹងអំពីជំងឺរបេង និងជំរុញការចូលរួមរបស់អ្នកសារព័ត៌មាន»
នាព្រឹកថ្ងៃទី១៦ ខែកញា ឆ្នាំ២០២៤ ក្លិបអ្នកកាសែត និងអង្គការខាត់ណា បានរៀបចំកម្មវិធី «វេទិកាពិភាក្សាតុមូល ស្តីពីលេីកកម្ពស់ការយល់ដឹងអំពីជំងឺរបេង និងជំរុញការចូលរួមរបស់អ្នកសារព័ត៌មាន» ដែលប្រព្រឹត្តទៅដែលមានវត្តមានពីសំណាក់អ្នកសម្របសម្រួល លោក ឈឿន ឈុនណា មន្រ្តីទទួលបន្ទុកភាពជាដៃគូពហុវិស័យ (អង្គការ ខាណា) លោកវេជ្ជបណ្ឌិត នូ ចាន់លី ប្រធានបច្ចេកទេស នៃមជ្ឈមណ្ឌលជាតិកំចាត់រោគរបេង និងហង់សិន ( CENAT) និងលោក ពុយ គា ប្រធានក្លិបអ្នកកាសែតកម្ពុជា នៅសណ្ឋាគារលូវ៉ៃ រាជធានីភ្នំពេញ។
នាឱកាសនេះ លោកវេជ្ជបណ្ឌិត នូ ចាន់លី បានបញ្ជាក់ពីបញ្ហាមួយចំនួនទាក់ទងនឹងជំងឺបេង ដោយប្រទេសកម្ពុជា បានកាត់បន្ថយអត្រាអ្នកកេីតជំងឺរបេង បានចំនួន៨០% ចំពោះការស្លាប់នៅសល់ត្រឹមសូន្យភាគរយ។ ក្នុងនោះ លោកវេជ្ជបណ្ឌិត បានបញ្ជាក់បន្ថែមថា ការបញ្ចប់ជំងឺរបេង គឺត្រូវសម្រេចឱ្យបាននៅចុងឆ្នាំ២០៣០ ដោយគិតត្រឹមថ្ងៃនេះ គឺនូវសល់រយ:ពេល ៦ឆ្នាំទៀត ក្នុងការបញ្ចប់ការឆ្លង និងគ្មានអ្នកស្លាប់។
បន្ថែមពីនេះ លោកវេជ្ជបណ្ឌិត នូ ចាន់លី បានបញ្ជាក់ប្រាប់អ្នកសារព័ត៌មានថា ក្នុងអំឡុងឆ្នាំ២០២២ ទូទាំងសាកលលោក អ្នកកេីតជំងឺរបេងថ្មី មានចំនួនប្រមាណ ១០លាន ៣សែននាក់។ ក្នុងនោះបានស្វែងរកឃេីញករណីអ្នកកេីតជំងឺរបេងថ្មី ដែលបានបញ្ជូនទៅអង្គការសុខភាពពិភពលោក មានចំនួន ៧លាន ៥សែនករណីតែប៉ុណ្ណោះ។ ចំពោះករណីស្លាប់ដោយសារជំងឺរបេងក្នុងឆ្នាំ២០២២ មានចំនួន ១លាន ៣សែននាក់ប៉ុណ្ណោះ៕
អត្ថបទដោយ៖ WIN WIN News Media
