ព្រឹកថ្ងៃទី​ ២៦ ខែធ្នូ ឆ្នាំ២០២៤​ សម្តេចធិបតី ហ៊ុន​ ម៉ាណែត​ នាយករដ្ឋមន្ត្រី៖ នៃព្រះរាជាណាចក្រកម្ពុជា​ បានថ្លែងថា​“ចំពោះករណីក្មេងទំនើង ក្រោយការបង្ក្រាបបានស្ងាត់មួយរយៈ តែពេលនេះហាក់បីដូចជាងើបឡើងវិញ ខណៈបច្ចុប្បន្ននេះមានក្មេងទំនើងជាង ២ ០០០ នាក់ កំពុងជាប់ឃុំ។ បើច្បាប់ដាក់ទោសទណ្ឌចំពោះករណីក្មេងទំនើង នៅមានទោសទណ្ឌស្រាលពេក ក្រសួងយុត្តិធម៌គួរធ្វើវិសោធនកម្មបន្ថែមទោសទណ្ឌលើករណីនេះ”​ ថ្លែងក្នុងពិធី “​ប្រគល់វិញ្ញាបនបត្រ និងសញ្ញាបត្រ ជូនដល់សិក្ខាកាម និងនិស្សិត សាកលវិទ្យាល័យធនធានមនុស្ស” រាជធានីភ្នំពេញ​។

សម្តេចធិបតី ហ៊ុន​ ម៉ាណែត​ ថ្លែងបន្ថែមថា​ “រឿងស្រលាញ់ជាតិអ្នកណាក៏ស្រឡាញ់ដូចគ្នា។ រឿងការពារបូរណភាពទឹកដី រឿងព្រួយបារម្ភរបស់យើងត្រូវតែមាន កូនខ្មែរគ្រប់រូបត្រូវតែបារម្ភ។ ប៉ុន្តែសកម្មភាព និងការបារម្ភរបស់យើង ធ្វើម៉េចដើម្បីកុំឱ្យមានការបែកបាក់ និងការបាត់បង់ រួមគ្នាធ្វើទៅ! ការបារម្ភបំផុតគឺការធ្វើឱ្យមានអរិភាពរវាងប្រជាជន និងប្រជាជន”។