(រាជធានីភ្នំពេញ)៖ បន្ទាប់ពីបានទទួលព័ត៌មានតាមរយៈកម្មវិធីទូរស័ព្ទ NoDrug ថាមានករណីចែកចាយ និងជួញដូរគ្រឿងញៀនខុសច្បាប់ ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ។ កម្លាំងសមត្ថកិច្ចរបស់អនុគណៈកម្មការប្រចាំបញ្ជា២៤ម៉ោង បានទំនាក់ទំនង និងបញ្ជូនព័ត៌មានភ្លាមទៅកាន់សមត្ថកិច្ចជំនាញនៅមូលដ្ឋាន។ កម្លាំងជំនាញប្រឆាំងបទល្មើសគ្រឿងញៀន នៃស្នងការដ្ឋាននគរបាលរាជធានីភ្នំពេញ បានចាត់កម្លាំងជំនាញចុះសហការជាមួយ អធិការដ្ឋាននគរបាលខណ្ឌដូនពេញ ចុះស្រាវជ្រាវនៅចំណុចម្តុំពេទ្យកាល់ម៉ែត្រ សង្កាត់ស្រះចក ខណ្ឌដូនពេញ ជាលទ្ធផលកម្លាំងសមត្ថកិច្ចបានចុះស្រាវជ្រាវទីតាំងខាងលើជាប់ជាប្រចាំ លុះមកដល់ថ្ងៃទី០៤ ខែមករា ឆ្នាំ២០២៥ កម្លាំងយើងបានធ្វើការបង្ក្រាបជាក់ស្តែង ករណី ”ជួញដូរដោយខុសច្បាប់នូវសារធាតុញៀន” នៅចំណុចភូមិ១៦ សង្កាត់ស្រះចក ខណ្ឌដូនពេញ ក្រោយពីឃើញមានមុខសញ្ញាសង្ស័យចែកចាយ និងជួញដូរគ្រឿងញៀន ចំនួន០២នាក់(ស្រី០១នាក់) នៅក្នុងមូលដ្ឋាន កំពុងឈរធ្វើសកម្មភាពលក់គ្រឿងញៀន វត្ថុតាងដកហូតរួមមាន៖១.ក្រាមពណ៌សថ្លាជាគ្រឿងញៀនប្រភេទមេតំហ្វេតាមីន ចំនួន០២កញ្ចប់ថង់ ២.កូនថង់សំរាប់ច្រកគ្រឿងញៀនមួយចំនួន និងឧបករណ៌សម្រាប់ប្រើប្រាស់គ្រឿងញៀនមួយចំនួន។ បច្ចុប្បន្នជនសង្ស័យ ត្រូវបានកម្លាំងជំនាញកំពុងសាកសួរ និងចាត់ការតាមនីតិវិធីច្បាប់បន្ត៕