(ខេត្តបន្ទាយមានជ័យ)៖​ ថ្ងៃចន្ទ ១៥កើត ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី១៣ ខែមករា ឆ្នាំ២០២៥ កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែតបានទទួលដំណឹងពីប្រព័ន្ធផ្សព្វផ្សាយ(No Drug)ថាមានករណី ចែកចាយនិងប្រើប្រាស់គ្រឿងញៀនខុសច្បាប់នៅចំណុចដី ស ស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ ភ្លាមៗនោះកម្លាំងផែនប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែត បានចុះទៅដល់ហើយបានឃាត់ខ្លួនបានសង្ស័យចំនួន០៣នាក់ ១.ឈ្មោះវី សាវិត ភេទប្រុស អាយុ១៨ឆ្នាំ ជនជាតិខ្មែរ។ ២ឈ្មោះមឿន រក្សា ភេទប្រុស អាយុ១៨ឆ្នាំ ជនជាតិខ្មែរ។ ៣.ឈ្មោះឈីម វណ្ណឈីត ភេទប្រុស អាយុ២០ឆ្នាំ ជនជាតិខ្មែរ។ -សម្ភារៈ និងវត្ថុតាង ១.គ្មាន។ បន្ទាប់មកកម្លាំងក៏បាននាំជនសង្ស័យមកកាន់អធិការដ្ឋាននគរបាលក្រុងប៉ោយប៉ែត ដើម្បីធ្វើការសួរនាំតាមនីតិវិធី និងបានធ្វើតេស្តទឹកនោមស្វែងរកសារធាតុញៀនលទ្ធផលវិជ្ជមាន(+)ជំនាញសុំធ្វើការឃាត់ខ្លួនជនសង្ស័យដើម្បីកសាងសំណុំរឿងបញ្ជូនតាមនិតិវិធី។