ក្លិបអ្នកកាសែតកម្ពុជា (កអក) ដឹកនាំអ្នកសារព័ត៌មានជាង ៣៧ស្ថាប័ន ចុះផ្សព្វផ្សាយពីសក្តានុពលទេសចរណ៍ធម្មជាតិ និងការអភិវឌ្ឍខេត្តពោធិ៍សាត់
ពោធិសាត់ ៖ ក្លិបអ្នកកាសែតកម្ពុជា(កអក) ដែលមានលោក ពុយ គា ជាប្រធាន បានដឹកនាំអ្នកសារព័ត៌មានដើម្បីផ្សព្វផ្សាយ ពីសក្តានុពលទេសចរណ៍ធម្មជាតិ និងការអភិវឌ្ឍខេត្តពោធិ៍សាត់ រួមមានអ្នកសារព័ត៌មានជាតិសរុបចំនួនជិត៦០នាក់ មកពី៣៧ស្ថាប័ន ឆ្ពោះទៅកាន់ខេត្តពោធិ៍សាត់ចាប់ពីថ្ងៃទី១៦ ដល់១៨ ខែសីហា ឆ្នាំ២០២៤។
នេះជាបេសកកម្មលើកទី៥ហើយរបស់ (ក.អ.ក ) បន្ទាប់ពីបេសកកម្មដ៏មានសារប្រយោជន៍បែបនេះត្រូវបានធ្វើទ្បើងនៅខេត្តព្រះសីហនុ, កែប, សៀមរាប និងរមណីយដ្ឋានឋានសួគ៌បូកគោ។
បេសកកម្មសារព័ត៌មាននេះ គឺដើម្បីចូលរួមផ្សព្វផ្សាយទ្រង់ទ្រាយធំស្តីពី សក្តានុពលទេសចរណ៍ធម្មជាតិ និងការអភិវឌ្ឍថ្មីៗនៅលើទឹកដីខេត្តពោធិ៍សាត់ បន្ទាប់ពីខេត្តមួយនេះត្រូវបានគេដាក់រហ្សសនាមថាជា «បុប្ផាលាក់ខ្លួន»។
នៅក្នុងការមកចុះពិនិត្យមេីលតំបន់អភិវឌ្ឍន៍ វាលវែង អូសោម ប្រជាពលរដ្ឋបានសម្តែងការគាំទ្រ កិច្ចសហប្រតិបត្តិការតំបន់អភិវឌ្ឍន៍ត្រីកោណ CLV-DTAដែលដឹកនាំដោយសម្តេចតជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា នៃព្រះរាជាណាចក្រកម្ពុជា ហេីយក៏មិនជឿពាក្យលួងលោមរបស់ក្រុមជ្រុលនិយម ដែលមានបំណងចង់ផ្តួលរដ្ឋាភិបាលស្របច្បាប់នោះឡេីយ។ ក្រោមការដឹងនាំរបស់សម្តេចធិបតី ហ៊ុន ម៉ាណែត ប្រទេសកម្ពុជាកំពុងមានការអភិវឌ្ឍន៍ និងរីកចម្រេីន ជីវភាពប្រជាពលរដ្ឋក៏មានភាពរីកចម្រើនច្រេីនផងដែរ៕
អត្ថបទដោយ៖ WIN WIN News Media
