យន្តហោះ Cathay Pacific ចំនួន១៣គ្រឿងចុះចតនៅអាកាសយានដ្ឋានអន្តរជាតិតេជោ
ដោយកត្តាអាកាសធាតុមិនអំណោយផល គឺទីក្រុងហុងកុងទទួលរងឥទ្ធិពលពីព្យុះរ៉ាហ្គាសា (Ragasa) ក្រុមហ៊ុន Cathay Pacific បានសម្រេចចិត្តផ្ទេរយន្តហោះរបស់ខ្លួនចំនួន១៣គ្រឿង មកចុះចតជាបណ្តោះអាសន្ននៅអាកាសយានដ្ឋានអន្តរជាតិតេជោ ខណៈអាកាសយានដ្ឋានអន្តរជាតិតេជោ ជាអាកាសយានដ្ឋានលំដាប់ 4F និងជាប្រភេទអាកាសយានដ្ឋានអន្តរជាតិដែលមានស្តង់ដារខ្ពស់បំផុត គាំទ្រដល់ការចុះចតរបស់យន្តហោះគ្រប់ប្រភេទប្រកបដោយទំនុកចិត្ត។
យន្តហោះរបស់ក្រុមហ៊ុន Cathay Pacific បានចាប់ផ្តើមចុះចតជាបណ្តើរៗហើយ ចាប់ពីវេលាម៉ោង៩ និង៤០នាទីព្រឹក និងបន្តចុះចតរហូតដល់អស់ទាំង១៣គ្រឿងក្នុងថ្ងៃទី២៣ កញ្ញានេះ៕
អត្ថបទដោយ៖ WIN WIN News Media